“જે હતું જ નહીં એની સંપ્રાપ્તિ કરી જે પ્રાપ્ત કર્યું એનો સંવર્ધન કરવા, સફળ આયોજન કર્યું અને એ સર્વનું શૈક્ષણિક તીર્થ સ્થાનોમાં સમર્પણ કર્યું.”

  દાહોદ અનાજ મહાજન સાર્વજનિક એજ્યુકેશન સોસાયટીના ઇતિહાસમાં હિતોપદેશનું આ સુભાષિત પૂર્ણપણે બંધબેસતું છે.દાહોદના પછાત વિસ્તારની આ પ્રજાને પ્રાથમિક થી માંડીને માધ્યમિક શિક્ષણની તમામ સંપ્રાપ્તિ થઈ, અને એનો ઉત્તરોત્તર ઉચ્ચ શિક્ષણ સુધીનો આજની ભાષામાં કહીએ તો KG થી PG સુધીના શિક્ષણનો નવતર વિકાસ થતો ગયો અને એ સંદર્ભે અત્યારે લગભગ જેટલા શિક્ષણ તીર્થો ભવનોનું અને જ્ઞાન સંવર્ધન કેન્દ્રોનું નિર્માણ થયું. પ્રાથમિક શિક્ષણથી માંડીને ઉચ્ચતર શિક્ષણની એક પારંપરિક દ્રષ્ટિ સાથે નવા અવાર્ચન યુગની આધુનિક અને વૈજ્ઞાનિક જ્ઞાન દ્રષ્ટિ પ્રાપ્ત થઈ અને નગરમાં જ્ઞાન સમૃદ્ધિનું વર્ધન થયું. સોસાયટીની આ નુતન વિકાસ ગાથા ના પ્રત્યેક નિર્માણ અને સંશોધને નવી વિકાસ દિશાઓ માટે નવા નવા સૂત્ર ધારોના વિધાયક દ્રષ્ટિકોણ નો સરવાળો ઉમેરાતો ગયો. સંસ્થાની ઉન્નતિ હેતુ સતત કાર્યરત ઊંડાણપૂર્વકની સમજણ ધરાવતા વ્યક્તિ વિશેષોની દ્રષ્ટિ પ્રાપ્ત થતી રહી છે. એ આ સંસ્થાનું સંચિત પુણ્ય કર્મ છે.